തിരുവനന്തപുരം: 2022 ല് യാത്രക്കാര്ക്ക് വന് ഇളവ് പ്രഖ്യാപിച്ച് കെഎസ്ആര്ടിസി. ഓണ്ലൈന് ബുക്ക് ചെയ്യുന്ന യാത്രക്കാര്ക്കാണ് ഇളവ് ലഭിക്കുക. ഇതിന്റെ അടിസ്ഥാനത്തില് നിലവിലുള്ള റിസര്വേഷന് നിരക്ക് 30 രൂപയില് നിന്നും 10 രൂപയായി കുറച്ചു. കൂടാതെ 72 മണിക്കൂര് മുന്പ് വരെ ടിക്കറ്റ് ക്യാന്സല് ചെയ്യുന്നതിന് ക്യാന്സലേഷന് ചാര്ജ് ഈടാക്കില്ല.യാത്രക്കാരെ ആകര്ഷിക്കാനാണ് ഓണ്ലൈന് റിസര്വേഷന് ഇളവുകള് പ്രഖ്യാപിച്ചത്.
72 മണിക്കൂറിനും, 48 മണിക്കൂറിനും ഇടയില് ക്യാന്സല് ചെയ്താല് അടിസ്ഥാന നിരക്കിന്റെ 10% നവും 48 മണിക്കൂറിനും 24 മണിക്കൂറിനും ഇടയില് 25%, 24 മണിക്കൂറിനും 12 മണിക്കൂറിനും ഇടയില് 40 %, 12 മണിക്കൂറിനും 2 മണിക്കൂറിനും ഇടയില് ക്യാന്സല് ചെയ്താല് അടിസ്ഥാന നിരക്കിന്റെ 50% നവും ക്യാന്സലേഷന് നിരക്ക് നല്കിയില് മതിയാകും. ബസ് പുറപ്പെടുന്നതിന് രണ്ട് മണിയ്ക്കൂറിനുള്ള ക്യാന്സിലേഷന് അനുവദിക്കില്ല.
