കൊല്ലം: അഞ്ചലിൽ കെഎസ്യു – എസ്എഫ്ഐ പ്രവര്ത്തകര് തമ്മില് സംഘർഷം. അഞ്ച് കെഎസ്യു പ്രവർത്തകർക്കും നാല് എസ്എഫ്ഐ പ്രവർത്തകർക്കും പരുക്കേറ്റു. മൂന്നു പേർക്ക് തലയ്ക്കാണ് പരുക്ക്. പരുക്കേറ്റ വിദ്യാർത്ഥികളെ അഞ്ചലിലെ സ്വകാര്യ ആശുപത്രികളിൽ പ്രവേശിപ്പിച്ചു.
കോളജില് നവാഗതരെ സ്വാഗതം ചെയ്യുന്നതുമായി ബന്ധപ്പെട്ട തർക്കമാണ് സംഘർഷത്തിൽ കലാശിച്ചത്. കോളജിനുള്ളിൽ വെച്ചും അഞ്ചൽ കോൺഗ്രസ് ബ്ലോക്ക് ഓഫിസിനു മുന്നിൽ വെച്ചും ഇരുകൂട്ടരും ഏറ്റുമുട്ടി. ഇരുവിഭാഗവും പ്രകടനം നടത്തി കൊടിമരങ്ങള് നശിപ്പിച്ചതായും റിപ്പോര്ട്ട് ചെയ്യുന്നു.
