മലപ്പുറം : സിപിഐ ജില്ലാസമ്മേളനത്തിലെ വിമര്ശനത്തിന് ഫെയ്സ്ബുക്കില് തിരിച്ചടി നല്കി കെ.ടി.ജലീല് എംഎല്എ. എല്ലാവര്ക്കും കൊട്ടാനുള്ള ചെണ്ടയല്ല സ്വതന്ത്ര എംഎല്എമാരെന്ന് ജലീല് കുറിപ്പിട്ടു. വലതുപക്ഷവും മാധ്യമങ്ങളും നിശ്ചയിക്കുന്ന അജന്ഡകള്ക്ക് ചൂട്ടുപിടിക്കുന്നവര് ദുര്ബലമാക്കുന്നത് ഏതുചേരിയെയാണെന്ന് ഗൗരവപൂര്വമായി ആലോചിച്ചാല് നന്നാകും.
യഥാര്ഥ മതനിരപേക്ഷ മനസുകള് ആന കുത്തിയാലും നില്ക്കുന്നയിടത്തുനിന്ന് ഒരിഞ്ചുപോലും അകലില്ല. അകലുന്നുണ്ടെങ്കില് അസുഖം വേറെയാണ്. അതിനുള്ള ചികിത്സ വേറെത്തന്നെ നല്കണമെന്നും ജലീൽ കുറിപ്പില് പറയുന്നു. ജലീലിനുപുറമേ പി.വി.അന്വര് എം.എല്.എക്കെതിരെയും സിപിഐ ജില്ലാസമ്മേളനത്തില് രൂക്ഷവിമര്ശനം ഉയര്ന്നിരുന്നു.
