ദില്ലി: പള്ളികളിലെ കുമ്പസാരം നിരോധിക്കണമെന്ന് ആവശ്യപ്പെട്ട് സുപ്രീംകോടതിയില് ഹര്ജി. മലങ്കരസഭയ്ക്ക് കീഴിലെ പള്ളികളില് കുമ്പസാരം നിരോധിക്കണമെന്നാണ് ഹര്ജിയിലെ ആവശ്യം. കുമ്പസാര രഹസ്യങ്ങള് പുരോഹിതര് ദുരുപയോഗം ചെയ്യുന്നുവെന്നും സ്ത്രീകളെ ലൈംഗികമായി ചൂഷണം ചെയ്യാന് കുമ്പസാര രഹസ്യം ഉപയോഗിക്കുന്നുവെന്നുമാണ് ഹര്ജിയിലെ ആരോപണം. മലങ്കര സഭയിലെ തന്നെ രണ്ട് വിശ്വാസികളാണ് റിട്ട് ഹര്ജി നല്കിയത്.
അതേസമയം പണം തട്ടിയെടുക്കാനും കുമ്പസാര രഹസ്യം മറയാക്കുന്നുണ്ട്. കുമ്പസാരം സ്വകാര്യതയെന്ന മൗലികാവകാശം ഹനിക്കുന്നതാണെന്നും അതിനാല് കുമ്പസാരം നിരോധിക്കണമെന്നും ഹര്ജിയില് ഉന്നയിച്ചിട്ടുണ്ട്.
