സൗദി അറേബ്യ : പനി ബാധിച്ച് മലയാളി യുവാവ് സൗദിയില് മരിച്ചു. പത്തനംതിട്ട നരിയാപുരം കുടമുക്ക് മുരുപ്പേല് വീട്ടില് ബിനു കെ. ശ്യാം (37) ആണ് ഖോബാറിലെ ആശുപത്രിയില് മരിച്ചത്. ജുബൈലില് സാബിക് അനുബന്ധ കമ്പിനിയായ ഇബിന് സിനയില് എന്ജിനീയര് ആയിരുന്നു ബിനു. ഒരു മാസം മുമ്പ് പനി ബാധിച്ച് ജുബൈല് അല്-മന ആശുപത്രിയിലും തുടര്ന്ന് ജുബൈല് ജനറല് ആശുപത്രിയിലും ചികിത്സയിലായിരുന്നു. മൃതദേഹം നാട്ടില് കൊണ്ടുപോകാനുള്ള നടപടികള് ആരംഭിച്ചു. ഭാര്യ- സജിത, മകന് -ഏദന്.
