പത്തനംതിട്ട : കുമ്പഴ ഈസ്റ്റ് റെസിഡന്റ്സ് അസോസിയേഷന്റെ (KERA) നാലാം വാർഷിക പൊതുയോഗം പത്തനംതിട്ട നഗരസഭ വൈസ് ചെയർ പേഴ്സൺ ആമിന ഹൈദരാലി ഉദ്ഘാടനം ചെയ്തു. ലിജോ ആഡിറ്റോറിയത്തിൽ വെച്ച് നടന്ന സമ്മേളനത്തില് അസോസിയേഷന് പ്രസിഡന്റ് റവ.ഫാ.ജോൺ പനാറയിൽ കോർ എപ്പിസ്കോപ്പ അധ്യക്ഷത വഹിച്ചു. വിദ്യാഭ്യാസ മേഖലയിൽ ഉന്നത വിജയം കരസ്ഥമാക്കിയ അസോസിയേഷനിലെ അംഗങ്ങളായ വിദ്യാർത്ഥികൾക്ക് ഉപഹാരങ്ങൾ നൽകി അനുമോദിച്ചു.
പത്തനംതിട്ട നഗരസഭ ആരോഗ്യകാര്യ സ്റ്റാൻഡിംഗ് കമ്മിറ്റി ചെയർമാൻ ജെറി അലക്സ് , ക്ഷേമ കാര്യ സ്റ്റാൻഡിംഗ് കമ്മിറ്റി ചെയർപേഴ്സൺ അംബിക വേണു, കൗൺസിലർമാരായ സുജ അജി, വിമല ശിവൻ, അസോസിയേഷന് വൈസ് പ്രസിഡന്റ് പ്രൊഫ. സണ്ണി കെ.എം കൈപ്പനാൽ എന്നിവര് പ്രസംഗിച്ചു. റെസിഡന്റ്സ് അസോസിയേഷന് സെക്രട്ടറി പി. കെ.കാർത്തിക രാജൻ വാർഷിക റിപ്പോർട്ട് അവതരിപ്പിച്ചു. ട്രഷറർ ടിജൂ വർഗീസ് ഡാനിയേൽ വരവ് ചെലവു കണക്കുകളും അവതരിപ്പിച്ചു.
