കോട്ടയം : കുറവിലങ്ങാട് താലൂക്ക് ആശുപത്രിയില് രാത്രി കാലങ്ങളില് സുരക്ഷാ ജീവനക്കാരെ നിയമിക്കണം എന്നാണ് ആശുപത്രിയില് ചികിത്സ തേടി എത്താറുള്ള നാട്ടുകാരുടെ ആവശ്യം. രാത്രി കാലങ്ങളില് ചികിത്സ തേടി എത്തുന്ന ചിലരൊക്കെ ഉത്തരവാദിത്വത്തോടെ ജോലി ചെയ്യുന്ന ആശുപത്രി ജീവനക്കാരോട് അതിര് വിട്ട പ്രവര്ത്തികളും വാക്കുകളും ഉപയോഗിക്കുന്നതായി കണ്ടതാണ് രാത്രികാലങ്ങളില് എങ്കിലും സുരക്ഷാ ജീവനക്കാരെ നിയമിക്കണം എന്ന ആവശ്യമുയരാന് കാരണം
മദ്യപിച്ചും ലഹരി വസ്തുക്കള് ഉപയോഗിച്ചും പ്രശ്നങ്ങള് ഉണ്ടാക്കുകയും മുറിവ് പറ്റുകയും പിന്നീട് ചികിത്സ തേടിയെത്തുകയും ചെയ്യുന്നവര് കൂടുതലും രാത്രി സമയങ്ങളിലാണ് എത്തുന്നത്ഇങ്ങനെ ചികിത്സ തേടി എത്തുന്നവരില് നാട്ടുകാരും അന്യസംസ്ഥാന തൊഴിലാളികളും ഒക്കെയുണ്ട് ഇവരില് പലരും ആശുപത്രി ജീവനക്കാരോട് തട്ടിക്കയറുകയും അപമര്യാദയായി പെരുമാറുകയും ചെയ്യുന്നത് സ്ഥിരം കാഴ്ചയാണ് അന്യസംസ്ഥാന തൊഴിലാളികള് എത്തിയാല് ഭാഷയും ഒരു തടസ്സമായി മാറുന്നു
പലപ്പോഴും ആശുപത്രിയില് അഡ്മിറ്റായിരിക്കുന്ന രോഗികളുടെ കൂട്ടിരിപ്പുകാരാണ് അങ്ങനെയുള്ള സമയങ്ങളില് ജീവനക്കാര്ക്ക് സഹായമായി മാറുന്നത് അതിന്റെ പേരിലും പല പ്രശ്നങ്ങളും ഉണ്ടാകാറുണ്ട്. സുരക്ഷാ ജീവനക്കാരുടെ നിയമനം ഉണ്ടായാല് അങ്ങനെയുള്ള പ്രശ്നങ്ങള്ക്ക് നിയന്ത്രണമുണ്ടാവുകയും ജീവനക്കാരുടെ ജോലിക്ക് സഹായകരവും അവരുടെ ആത്മവിശ്വാസവും വര്ദ്ധിപ്പിക്കുകയും ചെയ്യും എന്നാണ് നാട്ടുകാര് അഭിപ്രായപ്പെടുന്നത്.