ചെന്നൈ : കോണ്ഗ്രസ് നേതാവ് രാഹുല് ഗാന്ധിക്ക് ഒരുകാലത്തും പ്രധാനമന്ത്രിയാവാന് കഴിയില്ലെന്ന് ബി.ജെ.പി നേതാവും നടിയുമായ ഖുശ്ബു സുന്ദര്. രാഹുല് ഗാന്ധി നടത്തുന്ന പദയാത്രകൊണ്ട് കോണ്ഗ്രസ് രക്ഷപ്പെടില്ല. രാഷ്ട്രത്തിനെതിരെയും മതവിദ്വേഷത്തോടെയും സംസാരിക്കുന്നവരോടു മാത്രമാണ് രാഹുല് ഗാന്ധി എല്ലായിടത്തും കൂടിക്കാഴ്ച നടത്തുന്നത്. ഇത് കൂടുതല് അതൃപ്തിയാണ് പടര്ത്തുക.
താന് കോണ്ഗ്രസിലായിരുന്നപ്പോഴാണ് രാഹുല് ഗാന്ധി അധ്യക്ഷസ്ഥാനം രാജിവെച്ചത്. പകരം ആര് നേതാവാകുമെന്ന ചോദ്യമുയര്ന്നു. താനടക്കം പലരും ജ്യോതിരാദിത്യ സിന്ധ്യയുടെ പേര് പറഞ്ഞു. ഉടനെ എല്ലാവരും തന്റെ നേര്ക്ക് പാഞ്ഞു. ഇനിയെല്ലാവരും രാഹുല് ഗാന്ധിയെ സമീപിച്ച് അധ്യക്ഷസ്ഥാനമേറ്റെടുക്കണമെന്ന നാടകം കളിക്കും. ജനങ്ങള്ക്ക് കോണ്ഗ്രസിലുള്ള വിശ്വാസം നഷ്ടപ്പെട്ടു. അവര്ക്ക് പെട്ടെന്നൊന്നും അധികാരത്തില് വരാന് കഴിയില്ലെന്നും ഖുശ്ബു ട്വിറ്ററില് കുറിച്ചു.
