തൃശ്ശൂര് : കുതിരാനിലെ രണ്ടാമത്തെ തുരങ്കം ഡിസംബറില് തുറക്കുമെന്ന് നിര്മ്മാണക്കരാര് കമ്പനിയായ കെ.എം.സി. 70 ശതമാനം പണി പൂര്ത്തിയായതായി കെ.എം.സി വക്താവ് അജിത് അറിയിച്ചു. രണ്ടാം തുരങ്കം തുറന്നാല് ടോള് പിരിവ് തുടങ്ങുമെന്നും കരാര് കമ്പനി അറിയിച്ചു. നിലവില് രാത്രിയും പകലുമായി ജോലികള് തുടരുന്നു. കോണ്ക്രീറ്റിംഗ് അടക്കമുള്ള ജോലികളാണ് രണ്ടാം തുരങ്കത്തില് നടക്കുന്നത്.
മുഴുവന് വേഗത്തില് തന്നെയാണ് ജോലികള് നടക്കുന്നതെന്നും കെ.എം.സി വക്താവ് അറിയിച്ചു. നൂറിലധികം തൊഴിലാളികളാണ് 24 മണിക്കൂറും ഇവിടെ ജോലി ചെയ്യുന്നത്. നിലവില് മുകളിലെ കോണ്ക്രീറ്റിംഗ് ജോലികളാണ് നടക്കുന്നത്. അത് 60 ശതമാനം പൂര്ത്തിയായി. ഫ്ലോറിംഗ് പ്രവര്ത്തനങ്ങളും നടക്കുന്നുണ്ട്. ഡ്രെയിനേജ് വര്ക്കുകളും തുടരും. കുതിരാന് ഒന്നാം തുരങ്കം തുറന്നതോടെ പ്രദേശത്തെ ഗതാഗതക്കുരുക്കിന് വലിയ തോതില് പരിഹാരമായിട്ടുമുണ്ട്.
