പത്തനംതിട്ട : കുറ്റൂര് ഗ്രാമപഞ്ചായത്ത് വികസന സദസ് രാവിലെ 10.30 ന് പഞ്ചായത്ത് കമ്മ്യൂണിറ്റി ഹാളില് ജില്ലാ പഞ്ചായത്ത് വികസനകാര്യ സ്ഥിരം സമിതി അധ്യക്ഷ സി കെ ലതാകുമാരി ഉദ്ഘാടനം ചെയ്യും. കലഞ്ഞൂര് പൗര്ണമി ഓഡിറ്റോറിയത്തില് രാവിലെ 10 ന് കെ യു ജനീഷ് കുമാര് എംഎല്എ വികസന സദസ് ഉദ്ഘാടനം നിര്വഹിക്കും. ഉച്ചയ്ക്ക് രണ്ടിന് ഗ്രാമപഞ്ചായത്ത് കമ്മ്യൂണിറ്റി ഹാളില് മലയാലപ്പുഴ വികസന സദസ് കെ യു ജനീഷ് കുമാര് എംഎല്എ ഉദ്ഘാടനം ചെയ്യും.
പുറമറ്റം വികസന സദസ് രാവിലെ 10 ന് സെന്റ് മേരീസ് ഊര്ശ്ലേം ഓര്ത്തഡോക്സ് പള്ളി പാരിഷ് ഹാളില് മാത്യു ടി തോമസ് എംഎല്എ ഉദ്ഘാടനം നിര്വഹിക്കും. രാവിലെ 11 ന് ഗ്രാമപഞ്ചായത്ത് ഹാളില് തോട്ടപ്പുഴശേരി വികസന സദസ് പ്രസിഡന്റ് അഡ്വ. ആര് കൃഷ്ണകുമാര് ഉദ്ഘാടനം ചെയ്യും. കല്ലൂപ്പാറ വികസന സദസ് ഉദ്ഘാടനം രാവിലെ 10.30 ന് ഗ്രാമപഞ്ചായത്ത് ഓഡിറ്റോറിയത്തില് മാത്യു ടി തോമസ് എംഎല്എ നിര്വഹിക്കും.
