തിരുവനന്തപുരം : മുഖ്യമന്ത്രിയും വ്യാപാരി വ്യവസായി ഏകോപന സമിതി നേതാക്കളും തമ്മില് നടത്തിയ ചര്ച്ചകളുടെ സാഹചര്യത്തില് അടുത്തയാഴ്ച മുതല് എല്ലാ കടകളും എല്ലാ ദിവസവും തുറന്നു പ്രവര്ത്തിക്കാന് സര്ക്കാര് അനുമതി നല്കിയേക്കുമെന്ന് സൂചന. എന്നാല് ഈ ശനിയാഴ്ചയും ഞായറാഴ്ചയുമുള്ള സമ്പൂര്ണ ലോക്ക്ഡൗണ് നിലവിലെ തീരുമാന പ്രകാരം തുടരുകയും ചെയ്യും.
വ്യാപാരികളുടെ ആവശ്യം നാളെ ദുരന്തനിവാരണ സമിതി യോഗത്തില് ചര്ച്ച ചെയ്തശേഷം തീരുമാനിക്കാമെന്നാണ് മുഖ്യമന്ത്രി വ്യാപാരികളെ അറിയിച്ചത്. ശനിയാഴ്ച വൈകിട്ട് മുഖ്യമന്ത്രി മാധ്യമങ്ങളെ കാണുമ്പോള് ഇതു സംബന്ധിച്ച് അറിയിപ്പുണ്ടാകാനാണ് സാധ്യത. ഓണം വരെ വ്യാപാര സ്ഥാപനങ്ങള് തുറക്കുന്ന കാര്യത്തില് നിയന്ത്രണം ഒഴിവാക്കുമെന്നാണ് നിലവിലെ സൂചന.
മാത്രമല്ല ഒന്നിടവിട്ട ദിവസങ്ങളിലെ അടച്ചിടല് ഗുണത്തേക്കാളുപരി കോവിഡ് വ്യാപനത്തിനും ദോഷം ചെയ്യുന്നുവെന്നാണ് പൊതു നിഗമനം. സിപിഎമ്മില് പോലും ഒന്നിടവിട്ട ദിവസത്തെ കടയടപ്പിനും ശനി, ഞായര് ദിവസങ്ങളിലെ ലോക്ക്ഡൗണിനും എതിരായ അഭിപ്രായത്തിനാണ് മുന്തൂക്കം.
തുറക്കുന്ന ദിവസങ്ങളില് കടയിലും റോഡുകളിലുമുണ്ടാകുന്ന തിരക്ക് അനിയന്ത്രിതമായതോടെയാണ് കടയടപ്പിനെതിരെ വ്യാപാരികളും പൊതു സമൂഹവും രംഗത്തിറങ്ങിയത്. ഇതു മൂലം നാടിന്റെ സാമ്പത്തിക മേഖല വന് തകര്ച്ചയാണ് നേരിടുന്നത്.
പാറമട സമരസമിതി പ്രസിഡന്റിനെ വധിക്കുമെന്ന് ആനിക്കാട്ടെ ക്രഷര് മുതലാളിയുടെ ഭീഷണി