പത്തനംതിട്ട : സാര്വ്വദേശീയ തൊഴിലാളി ദിനാചരണത്തിന്റെ ഭാഗമായി ജില്ലയിലെ വിവിധ കേന്ദ്രങ്ങളില് റാലിയും പൊതു യോഗങ്ങളും നടന്നു. ഇടതുപക്ഷ ട്രേഡ് യൂണിയനുകളുടെയും കര്ഷക തൊഴിലാളി, സര്വീസ് സംഘടനകളുടെയും നേതൃത്വത്തിലാണ് തൊഴിലാളി ദിനം ആചരിച്ചത്. ജില്ലയിലെ പന്ത്രണ്ട് കേന്ദ്രങ്ങളില് ആണ് തൊഴിലാളികളുടെ പങ്കാളിത്വത്തോടെ ദിനാചരണം സംഘടിപ്പിച്ചത്. പത്തനംതിട്ട നഗരത്തില് ടാക്സി ആന്റ് ലൈറ്റ് മോട്ടോര് ഫെഡറേഷന് സംസ്ഥാന പ്രസിഡന്റ് രാജു എബ്രഹാം, സി.ഐ.റ്റി.യു സംസ്ഥാന വൈസ് പ്രസിഡന്റ്മാരായ പി.ബി ഹര്ഷകുമാര് കൊടുമണ്ണിലും സുനിതാ കുര്യന് ഇരവിപേരൂരും യോഗങ്ങള് ഉത്ഘാടനം ചെയ്തു.
അടൂരില് എ.ഐ.റ്റി.യു.സി ജില്ലാ സെക്രട്ടറി ഡി.സജി, പെരുനാട്ടില് സി.ഐ.റ്റി.യു ജില്ലാ പ്രസിഡന്റ് എസ്.ഹരിദാസ്, കോന്നിയില് സി.ഐ.റ്റി.യു ദേശീയ കൗണ്സിലംഗം പി.ജെ അജയകുമാര്, എഴുമറ്റൂരില് സി.ഐ.റ്റി.യു ദേശീയ കൗണ്സിലംഗം ഫ്രാന്സിസ് വി. ആന്റണി, കോഴഞ്ചേരിയില് റ്റി.യു.സി.ഐ സംസ്ഥാന വൈസ് പ്രസിഡന്റ് കെ.ഐ ജോസഫ്, മല്ലപ്പള്ളിയില് എ.ഐ.റ്റി.യു.സി സംസ്ഥാന വര്ക്കിംഗ് കമ്മറ്റി അംഗം കെ.ജി രതീഷ്കുമാര്, പന്തളത്ത് എന്.എല്.യു ജില്ലാ പ്രസിഡന്റ് രാജന് സുലൈമാന്, റാന്നിയില് എ.ഐ.റ്റി.യു.സി ജില്ലാ ജോയിന്റ് സെക്രട്ടറി കെ.സതീഷ്കുമാര്, തിരുവല്ലയില് എച്ച്.എം.എസ് ജില്ലാ കമ്മറ്റി അംഗം രാജന് എം.ഈപ്പന് എന്നിവര് യോഗങ്ങള് ഉത്ഘാടനം ചെയ്തു.
