മലപ്പുറം : ജില്ലയിലെ നിലമ്പൂരില് കുത്തേറ്റ യുവതിയെ ആശുപത്രിയില് പ്രവേശിപ്പിച്ചു. നിലമ്പൂര് ചക്കാലക്കുത്ത് തെക്കേതില് കെ.സ്മിത (37)ക്ക് ആണ് കുത്തേറ്റത്. സംഭവത്തില് സ്മിതയുടെ ഭര്ത്താവ് പി.ആര് രാജേഷ് ബാബു (48)വിനെ പോലീസ് അറസ്റ്റ് ചെയ്തു. കുത്തേറ്റ സ്മിത നിലവില് പെരിന്തമണ്ണയിലെ സ്വകാര്യ ആശുപത്രിയില് ചികില്സയില് കഴിയുകയാണ്. സ്മിതയുടെ മൊഴി രേഖപ്പെടുത്തിയതിന് പിന്നാലെയാണ് ഭര്ത്താവിനെ അറസ്റ്റ് ചെയ്തത്.
ഇന്നലെ രാത്രി 10.30 ഓടെയാണ് രാജേഷ് സ്മിതയെ കുത്തി പരിക്കേല്പ്പിച്ചത്. കുടുംബകലഹത്തെ തുടര്ന്നാണ് ആക്രമണം ഉണ്ടായതെന്നാണ് സ്മിത മൊഴിയില് വ്യക്തമാക്കുന്നത്. കൂടാതെ കുത്താന് ഉപയോഗിച്ച കത്തി വീടിന് സമീപത്ത് നിന്നും പോലീസ് കണ്ടെടുത്തിട്ടുണ്ട്. വധശ്രമം ഉള്പ്പടെയാണ് രാജേഷിനെതിരെ ചുമത്തിയിരിക്കുന്നത്. ഇയാളെ ഇന്ന് കോടതിയില് ഹാജരാക്കും.
