ബംഗളൂരു : ജിമ്മില് വ്യായാമം ചെയ്യുന്നതിനിടെ യുവതി കുഴഞ്ഞുവീണ് മരിച്ചു. ശനിയാഴ്ച രാവിലെ എട്ട് മണിയോടെയാണ് സംഭവം. ബംഗളൂരു ബയപ്പനഹള്ളി സ്വദേശിനിയായ 35കാരിയാണ് ജിമ്മില് വ്യായാമം ചെയ്യുന്നതിനിടെ ഹൃദയാഘാതത്തെ തുടര്ന്ന് മരിച്ചത്. മല്ലേസ്പ്ലേയയിലെ ചലഞ്ച് ഹെല്ത്ത് ക്ലബില് വര്ക്കൗട്ട് ചെയ്യുന്നതിനിടെ ജിഎം പാളയ സ്വദേശി വിനയ വിറ്റല് ആണ് മരിച്ചതെന്ന് തിരിച്ചറിഞ്ഞിട്ടുണ്ട്. മാരകമായ ഹൃദയാഘാതത്തെത്തുടര്ന്ന് യുവതി കുഴഞ്ഞു വീഴുന്നതിന്റെ സിസിടിവി ദൃശ്യങ്ങള് ഇപ്പോള് ഓണ്ലൈനില് പ്രത്യക്ഷപ്പെട്ടിട്ടുണ്ട്. ഈ സംഭവത്തില് ബയപ്പനഹള്ളി പോലീസ് സ്റ്റേഷനില് കേസ് രജിസ്റ്റര് ചെയ്യുകയും ചെയ്തു.
