ചെന്നൈ : പ്രസവിച്ച യുവതിയ്ക്ക് കൂട്ടിരിക്കാമെന്ന വ്യാജേന വീട്ടിലെത്തിയ സ്ത്രീ 4 ദിവസം പ്രായമുള്ള കുഞ്ഞിനെ സഞ്ചിയിലിട്ട് കടന്നു കളഞ്ഞു. തഞ്ചാവൂരിലെ ജനറല് ആശുപത്രിയില് നിന്ന് രാജലക്ഷ്മിയുടെയും ഗുണശേഖരന്റെയും കുഞ്ഞിനെയാണു തട്ടിക്കൊണ്ടുപോയത്.
പ്രണയവിവാഹിതരായതിനാല് ബന്ധുക്കളാരും ഒപ്പമില്ലാതിരുന്ന ഇവര്ക്കു സഹായം ചെയ്യാമെന്ന് പറഞ്ഞ് തട്ടിപ്പുകാരി ഒപ്പം കൂടുകയായിരുന്നു. അമ്മ ശുചിമുറിയിലേക്കും അച്ഛന് ചായ വാങ്ങാനും പോയ സമയത്താണു കുഞ്ഞുമായി സ്ത്രീ കടന്നുകളഞ്ഞത്. വലിയ സഞ്ചിയുമായി ഓട്ടോയില്കയറിപ്പോകുന്ന ഇവരുടെ ദൃശ്യം സിസിടിവിയില് പതിഞ്ഞിട്ടുണ്ട്.