ലക് നോ : കര്ഷക പ്രതിഷേധത്തിനിടയിലേക്ക് വണ്ടി ഇടിച്ചുകയറ്റി എട്ട് പേര് കൊല്ലപ്പെട്ട സംഭവത്തില് കുറ്റപത്രം സമര്പ്പിച്ചു. 5,000 പേജുള്ള കുറ്റപത്രമാണ് പ്രത്യേക അന്വേഷണസംഘം സമര്പ്പിച്ചത്. കേന്ദ്രമന്ത്രി അജയ് മിശ്രയുടെ മകന് ആശിഷ് മിശ്രയാണ് മുഖ്യപ്രതിയെന്ന് സീനിയര് പ്രോസിക്യൂഷന് ഓഫീസര് എസ്.പി യാദവ് അറിയിച്ചു.
കര്ഷക സമരക്കാര്ക്കിടയിലേക്ക് വാഹനം ഇടിച്ചുകയറ്റിയതിനെത്തുടര്ന്ന് കര്ഷകരും ബി.ജെ.പി പ്രവര്ത്തകരും ഒരു മാധ്യമ പ്രവര്ത്തകനുമടക്കം എട്ടുപേരാണ് കൊല്ലപ്പെട്ടത്. പ്രതിഷേധ റാലിയിലേക്ക് വാഹനം ഇടിച്ചുകയറ്റിയതിനെ തുടര്ന്ന് അഞ്ചുപേരും തുടര്ന്നുണ്ടായ സംഘര്ഷത്തില് മൂന്നുപേരും കൊല്ലപ്പെടുകയായിരുന്നു.
ഉപമുഖ്യമന്ത്രി കേശവപ്രസാദ് മൗര്യയുടെ സന്ദര്ശനത്തോടനുബന്ധിച്ച് ടികോനിയ-ബംബിര്പുര് റോഡില് കര്ഷകര് പ്രതിഷേധം സംഘടിപ്പിച്ചിടത്താണ് സംഘര്ഷമുണ്ടായത്. പ്രതിഷേധ റാലിയിലേക്ക് കാറിടിച്ച് കയറ്റിയ സംഭവം മുന്കൂട്ടിയുള്ള ഗൂഢാലോചനയുടെ ഫലമാണെന്നും പ്രത്യേക അന്വേഷണ സംഘം നേരത്തേ അഭിപ്രായപ്പെട്ടിരുന്നു.
