ന്യൂഡല്ഹി: രാഷ്ട്രീയ ജനതാദള് നേതാവും ബിഹാര് മുന് മുഖ്യമന്ത്രിയുമായ ലാലു പ്രസാദ് യാദവിന്റെ ഒന്പത് സുരക്ഷ ഉദ്യോഗസ്ഥര്ക്ക് കൊവിഡ് സ്ഥിരീകരിച്ചു. കാലിത്തീറ്റ കുംഭകോണവുമായി ബന്ധുപ്പെട്ട് 2017 മുതല് ലാലു പ്രസാദ് യാദവ് ജയിലിലാണ്. നിലവില് നിരവധി രോഗങ്ങള്ക്ക് ചികിത്സയിലാണ് അദ്ദേഹം.
2017ല് അറസ്റ്റിലായ ഇദ്ദേഹത്തെ ബിര്സ മുണ്ട സെന്ട്രല് ജയിലില് നിന്നാണ് ചികിത്സയ്ക്കായി ആശുപത്രിയിലേക്ക് മാറ്റിയത്. 2018 മുതല് ഇദ്ദേഹം രാജേന്ദ്ര ഇന്സ്റ്റിറ്റ്യൂട്ട് ഓഫ് മെഡിക്കല് സയന്സസില് ചികിത്സയിലാണ്. കാലിത്തീറ്റ അഴിമതിക്കേസില് സിബിഐ കോടതി ശിക്ഷ വിധിച്ചതിനെ തുടര്ന്നാണ് ഇദ്ദേഹത്തെ ജയിലില് അടച്ചത്. ജാര്ഖണ്ഡില് കൊവിഡ് കേസുകള് വര്ദ്ധിക്കുന്ന പശ്ചാത്തലത്തില് ലാലു പ്രസാദ് യാദവിനെ രാജേന്ദ്ര ഇന്സ്റ്റിറ്റ്യൂട്ട് ഓഫ് മെഡിക്കല് സയന്സസ് ഡയറക്ടര് ഔദ്യോഗിക താമസസ്ഥലമായ കെല്ലി ബംഗ്ലാവിലേക്ക് ഈ മാസമാദ്യം മാറ്റിയിരുന്നു.
