പെരിങ്ങനാട് : എല്ലാവർക്കും ഭൂമി, എല്ലാ ഭൂമിക്കും രേഖ, എല്ലാ സേവനങ്ങളും സ്മാർട്ട് എന്നതാണ് റവന്യൂ വകുപ്പിന്റെ ഏറ്റവും പ്രധാനപ്പെട്ട മുദ്രാവാക്യമെന്ന് മന്ത്രി കെ.രാജൻ. പെരിങ്ങനാട് സ്മാർട്ട് വില്ലേജ് ഓഫീസ് പുതിയ കെട്ടിടത്തിന്റെ ഉദ്ഘാടനവും പട്ടയവിതരണവും നിർവഹിക്കുകയായിരുന്നു മന്ത്രി. പള്ളിക്കൽ വില്ലേജിലെ ചേന്നംപുത്തൂർ കോളനിയിൽനിന്നുള്ള 22 ഗുണഭോക്താക്കൾക്ക് ചടങ്ങിൽ പട്ടയം വിതരണംചെയ്തു. ഡെപ്യൂട്ടി സ്പീക്കർ ചിറ്റയം ഗോപകുമാർ അധ്യക്ഷനായി.
ജില്ലാ കളക്ടർ എ.ഷിബു, എ.ഡി.എം. ബി.രാധാകൃഷ്ണൻ, പള്ളിക്കൽ പഞ്ചായത്ത് പ്രസിഡന്റ് സുശീലക്കുഞ്ഞമ്മ കുറുപ്പ്, ജില്ലാപഞ്ചായത്ത് അംഗം ശ്രീനാദേവി കുഞ്ഞമ്മ, ജില്ലാ നിർമിതികേന്ദ്രം പ്രോജക്ട് മാനേജർ എസ്.സനിൽ, ആർ.ഡി.ഒ. എ.തുളസീധരൻ പിള്ള, എം.മനു, എസ്.സുജിത്ത്, ശരത് ചന്ദ്രൻ, മഹേഷ് കുമാർ, വിനേഷ് എസ്.ബിനു, രാജൻ സുലൈമാൻ എന്നിവർ പങ്കെടുത്തു.
