തിരുവനന്തപുരം : നിയമസഭാ തിരഞ്ഞെടുപ്പിന്റെ അന്തിമ പോളിങ് ശതമാനം പുറത്തുവിടാത്തതില് വിമര്ശനം ശക്തമാക്കി എല്ഡിഎഫും യുഡിഎഫും. മുഖ്യ തിരഞ്ഞെടുപ്പ് കമ്മിഷണര് ഗ്യാനേഷ് കുമാറിന് കത്തയച്ച് പ്രതിപക്ഷ നേതാവ് വി ഡി സതീശന്. കണക്ക് പുറത്തുവിടാത്തതില് ദുരൂഹത സംശയിച്ച് മന്ത്രി വി ശിവന്കുട്ടി. തിരഞ്ഞെടുപ്പ് കഴിഞ്ഞ് നാല് ദിവസം പിന്നിട്ടിട്ടും മണ്ഡലം തിരിച്ചുള്ള പോളിംഗ് ഡാറ്റ, മണ്ഡലാടിസ്ഥാനത്തിലുള്ള വോട്ട് ശതമാനം, പോസ്റ്റല് ബാലറ്റ് സ്ഥിതിവിവരക്കണക്കുകള് എന്നിവയടക്കം തിരഞ്ഞെടുപ്പ് കമ്മീഷന്റെ ഔദ്യോഗിക വെബ്സൈറ്റില് പ്രസിദ്ധീകരിച്ചിട്ടില്ല.
സുതാര്യത ഉറപ്പാക്കുന്നതിനും, പൊതുജനങ്ങള്ക്ക് സൂക്ഷ്മപരിശോധന സാധ്യമാക്കുന്നതിനും തിരഞ്ഞെടുപ്പ് പ്രക്രിയയില് വിശ്വാസം നിലനിര്ത്തുന്നതിനും അത്തരം വിവരങ്ങള് സമയബന്ധിതമായി പുറത്തുവിടുന്നത് നിര്ണായകമാണ്. കൂടുതല് കാലതാമസമില്ലാതെ പൂര്ണ്ണമായ തിരഞ്ഞെടുപ്പ് ഡാറ്റ പ്രസിദ്ധീകരിക്കുന്നതിന് ഉടനടി നടപടികള് സ്വീകരിക്കണമെന്ന് അഭ്യര്ഥിക്കുന്നു – വി ഡി സതീശന് കത്തില് ആവശ്യപ്പെട്ടു. കാലതാമസത്തിന്റെ കാരണം തിരഞ്ഞെടുപ്പ് കമ്മീഷന് വ്യക്തമാക്കണമെന്ന് വി ശിവന്കുട്ടി പറഞ്ഞു. അന്തിമ പോളിംഗ് കണക്ക് വന്നില്ല. ദുരൂഹത സംശയിക്കുന്നതില് തെറ്റില്ല. നാല് ദിവസമായിട്ടും പോളിംഗ് കണക്ക് പുറത്തുവിടാത്തതെന്താണ്? സിവില് സര്വീസ് ഉദ്യോഗസ്ഥര്ക്ക് വോട്ടില്ലാതായിരിക്കുന്നു- അദ്ദേഹം പറഞ്ഞു.
