കോഴിക്കോട് : വഖഫ് നിയമന വിവാദത്തില് തുടര് പ്രക്ഷോഭങ്ങള് ഉടന് ആരംഭിക്കുമെന്ന് മുസ്ലിം ലീഗ്. പ്രക്ഷോഭ പരിപാടികള് ആലോചിക്കാന് നേതൃയോഗം ചേരുമെന്നും ലീഗ് സംസ്ഥാന ജനറല് സെക്രട്ടറി പി.എം.എ സലാം പറഞ്ഞു. വഖഫ് നിയമനം പി.എസ്.സിക്ക് വിട്ട നടപടിയില് സ്വന്തം നിലക്ക് പ്രക്ഷോഭ പരിപാടികളുമായി മുന്നോട്ട് പോകാനാണ് മുസ്ലിം ലീഗ് തീരുമാനം.
കോഴിക്കോട് നടന്ന വഖഫ് സംരക്ഷണ റാലി സമര പ്രഖ്യാപനമാണെന്നും സര്ക്കാര് തീരുമാനം പിന്വലിക്കുന്നത് വരെ പ്രതിഷേധം തുടരുമെന്നും ലീഗ് സംസ്ഥാന ജനറല് സെക്രട്ടറി പി.എം.എ സലാം പറഞ്ഞു. മുഖ്യമന്ത്രി അടക്കമുള്ളവരുടെ വിമര്ശനങ്ങളെ അതെ നാണയത്തില് തന്നെ നേരിടുകയാണ് ലീഗ് നേതൃത്വം . വഖഫ് സംരക്ഷണ റാലിയിലെ ജന പങ്കാളിത്തമടക്കം രാഷ്ട്രീയമായി നേട്ടമാണെന്നും ലീഗ് വിലയിരുത്തുന്നു . തുടര് പ്രക്ഷോഭ പരിപാടികള്ക്ക് രൂപം നല്കാന് ഈ ആഴ്ച തന്നെ മുസ്ലിം ലീഗ് നേതൃയോഗം ചേരുമെന്നും പി.എം.എ സലാം വ്യക്തമാക്കി.
