റാന്നി : ശബരിമല വനമേഖലയിലെ വിദ്യാലയമായ അട്ടത്തോട് സര്ക്കാര് ട്രൈബല് സ്കൂളിന് സഹായഹസ്തവുമായി ഗുഡ് സമരിറ്റന് ചാരിറ്റബിള് ആന്ഡ് റിലീഫ് സൊസൈറ്റി. നിലവിലുണ്ടായിരുന്ന ടെലിവിഷന് പ്രവര്ത്തനരഹിതമായതിനാല് പുതിയ അദ്ധ്യയനവര്ഷത്തില് സ്കൂള് തുറന്നതോടെ വിദ്യാര്ത്ഥികളും അധ്യാപകരും ഒരുപോലെ ബുദ്ധിമുട്ടിലായിരുന്നു. സൊസൈറ്റി ചെയര്മാന് ഫാ.ബെന്സി മാത്യു കിഴക്കേതില് പുതിയ എല്.ഇ.ഡി.ടി.വി, സ്കൂള് പ്രഥമാധ്യാപകന് ബിജു തോമസിന് കൈമാറി.
വനത്തിനുള്ളിലെ സ്കൂളില്തന്നെ പരിമിതമായ സൗകര്യത്തിലാണ് അദ്ധ്യാപകരും താമസിക്കുന്നത്.
സ്കൂളിലെ മുഴുവന് കുട്ടികള്ക്കും ഒരു ജോഡി യൂണിഫോം വീതം നല്കുമെന്ന് ഫാ.ബെന്സി മാത്യു അറിയിച്ചു. 2009 മുതല് ആര്ദ്രത എന്ന ക്ഷേമ പ്രവര്ത്തനവുമായി നല്ല ശമര്യാക്കാരന് ചാരിറ്റബിള് ആന്ഡ് റിലീഫ് സൊസൈറ്റി സജീവമാണ്.
