ദില്ലി: വളരെ ശ്രദ്ധിച്ച് മാത്രം പരസ്യപ്രസ്താവനകള് നടത്തണമെന്ന് എന്ഡിഎ എംപിമാര്ക്ക് നിര്ദ്ദേശം നല്കി പ്രധാനമന്ത്രി നരേന്ദ്രമോദി. തെരഞ്ഞെടുപ്പ് അടുത്ത സാഹചര്യത്തിലാണ് മോദിയുടെ നിര്ദേശം. കൂടാതെ വിവാദപ്രസ്താവനകള് നടത്തരുതെന്നും അദ്ദേഹം എംപിമാരെ ഉപദേശിച്ചു. ”വിവാദങ്ങളില് നിന്നും വിവാദ പ്രസ്താവനകളില് നിന്നും അകലം പാലിക്കുക. മനസ്സില് തോന്നുന്ന എല്ലാകാര്യങ്ങളും വിളിച്ച് പറയരുത്,” മോദി പറഞ്ഞു.
പ്രതിപക്ഷം ചിലപ്പോള് പ്രകോപിപ്പിക്കാന് ശ്രമിക്കുമെന്നും അവരുടെ കെണിയില് വീഴരുതെന്നും അദ്ദേഹം മുന്നറിയിപ്പ് നല്കി. ‘പ്രതിപക്ഷ നേതാക്കള് അസ്വസ്ഥരാണ്. അവര് നിങ്ങളെ പ്രകോപിപ്പിക്കാന് ശ്രമിക്കും. അതുകൊണ്ട് വായില് നിന്ന് വരുന്ന ഓരോ വാക്കിനും അതിന്റേതായ മൂല്യമുണ്ടെന്ന് പാര്ലമെന്റ് അംഗങ്ങള് മനസിലാക്കണം. അവരുടെ കെണിയില് അകപ്പെടരുത്,” മോദി പറഞ്ഞു.
