റാന്നി : കെ.എസ്.ആര്.ടി.സിയെ മുടിപ്പിക്കുന്നത് ചില ജീവനക്കാരും യൂണിയനുകളും. റാന്നി ഡിപ്പോ കുത്തഴിഞ്ഞു കിടക്കുന്നു. ഇവിടെ എല്ലാം നിയന്ത്രിക്കുന്നത് യൂണിയന് നേതാക്കളാണ്. ഇന്ന് റാന്നി ഡിപ്പോയില് നാല് സര്വീസുകളാണ് ക്യാന്സല് ചെയ്യേണ്ടിവന്നത്. BMS യൂണിയന്റെ വാഹന പ്രചരണ ജാഥ നടക്കുന്നതിനാല് അതില് പങ്കെടുക്കാന് ഡ്രൈവര്മാര് പോയതിനാലാണ് ആനവണ്ടിയുടെ സര്വീസ് മുടങ്ങിയത്. ഇവര് രേഖാമൂലം മുന്കൂട്ടി അറിയിക്കാതെയാണ് യൂണിയന് പരിപാടി കൊഴുപ്പിക്കാന് പോയത്. ഡ്രൈവർമാർ രേഖമൂലം അറിയിക്കാതെ ജോലിയിൽ നിന്നും വിട്ടു നിട്ടു.
രാവിലെ 06.00 മണിക്കുള്ള തിരുവനന്തപുരം FP, O6.40 നുള്ള കോട്ടയം, 06.50 നുള്ള വലിയകാവ്, 06.55 നുള്ള കോട്ടയം എന്നീ സര്വീസുകളാണ് ഇന്ന് മുടങ്ങിയത്. നഷ്ടത്തില് മുങ്ങിത്താഴുന്ന കെ.എസ്.ആര്.ടി.സിക്ക് വരുമാന നഷ്ടവും ജനങ്ങള്ക്ക് ദുരിതവുമാണ് ഇവര് സമ്മാനിച്ചത്. സ്ഥിരം യാത്രക്കാര് പലരും രോഷാകുലരായി. ജോലിയോട് കൂറുകാണിക്കാത്ത ഇത്തരം ജീവനക്കാരെ കെ.എസ്.ആര്.ടി.സി പിരിച്ചുവിടണമെന്നും ജനങ്ങളുടെ നികുതിപ്പണം കൊണ്ട് തിന്നുകൊഴുത്ത് ജനങ്ങളെ തിരിഞ്ഞുകുത്തുന്ന ഇത്തരക്കാരെ വെച്ചുകൊണ്ട് മുമ്പോട്ടുപോയാല് കെ.എസ്.ആര്.ടി.സി ഇനിയും അധികകാലം ഉണ്ടാകില്ലെന്നും ഇവര് പറഞ്ഞു.
