കൊച്ചി: ലൈഫ് മിഷന്കേസില് യൂണിടാക് മാനേജിങ് ഡയറക്ടര് സന്തോഷ് ഈപ്പനെ തിങ്കളാഴ്ച വരെ കസ്റ്റഡിയില് വിട്ടു. ജാമ്യാപേക്ഷയും തിങ്കളാഴ്ച പരിഗണിക്കും. മാര്ച്ച് 21 നാണ് സന്തോഷ് ഈപ്പനെ ഇ.ഡി അറസ്റ്റ് ചെയ്തത്. ലൈഫ് മിഷന് പദ്ധതിയുടെ കരാര് ഏറ്റെടുത്ത സന്തോഷ് ഈപ്പനാണ് നാലുകോടിയോളം രൂപ കോഴ നല്കിയതെന്ന കണ്ടെത്തലിന്റെ അടിസ്ഥാനത്തിലാണ് അറസ്റ്റ് ചെയ്തത്. ലൈഫ് മിഷന് പദ്ധതിയില് യു.എ.ഇ കോണ്സുല് ജനറല് അടക്കമുള്ളവര്ക്ക് കോഴ നല്കിയെന്നാണ് ഇ.ഡി ആരോപണം. കേസില് ഒന്നാം പ്രതിയാണ് സന്തോഷ് ഈപ്പന്. സന്തോഷ് ഈപ്പന് പ്രതികള്ക്ക് നാല് കോടിയിലധികം രൂപ കോഴ നല്കിയെന്നാണ് കണ്ടെത്തല്.
സ്വപ്ന സുരേഷിന്റെ ലോക്കറില് നിന്ന് കിട്ടിയ ഒരു കോടി രൂപയും ഇതിലുള്പ്പെട്ടതാണെന്നാണ് കണ്ടെത്തല്. യുഎഇ കോണ്സുലേറ്റിലെ ഖാലിദ് അടക്കമുള്ളവര്ക്ക് ഇത്തരത്തില് പണം നല്കിയിട്ടുണ്ട്. 20 കോടി രൂപയാണ് യുഎഇ റെഡ് ക്രസന്റ് വടക്കാഞ്ചേരിയിലെ ഫ്ലാറ്റ് നിര്മ്മാണത്തിനായി നല്കിയത്. ഇതിലെ 20 ശതമാനത്തോളം തുകയാണ് കമ്മീഷനായി നല്കിയത്. പണം ഡോളറുകളാക്കിയാണ് ഖാലിദ് അടക്കമുള്ള പ്രതികള്ക്ക് നല്കിയത്. കേസില് എം ശിവശങ്കറിനെ ഇഡി നേരത്തേ അറസ്റ്റ് ചെയ്തിരുന്നു.
