കോയമ്പത്തൂര് : ഡോക്യുമെന്ററി സംവിധായകയയും നടിയുമായ ലീന മണിമേഖലയ്ക്കെതിരേ വധഭീഷണി മുഴക്കിയ വലതുപക്ഷ സംഘടനാ നേതാവ് അറസ്റ്റില്. കഴിഞ്ഞ ദിവസമാണ് ലീന മണിമേഖല കാളി ഡോക്യുമെന്ററിയുടെ പോസ്റ്റര് പുറത്തിറക്കിയത്. കാളി ദേവിയുടെ വേഷത്തില് ഒരാള് പുകവലിച്ചുകൊണ്ട് എല്ജിബിടിക്യൂ സമൂഹത്തിന്റെ പതാകയുമായി നില്ക്കുന്നതാണ് ചിത്രീകരിച്ചിരുന്നത്. മതവികാരം വ്രണപ്പെടുത്തി എന്നാരോപിച്ച് ഒട്ടേറെപേര് സംവിധായികയ്ക്കെതിരേ പ്രതിഷേധവുമായി രംഗത്ത് വന്നിരുന്നു.
അറസ്റ്റ് ലീന മണിമേഖല എന്ന കാമ്പയിന് ട്വിറ്ററില് സജീവമായി. കോയമ്പത്തൂര്രിലെ ‘ശക്തി സേന ഹിന്ദു മക്കള് ഇയക്കം’ എന്ന തീവ്രവലതു സംഘടനയുടെ സ്ഥാപകയായ സരസ്വതിയാണ് ഇപ്പോള് അറസ്റ്റിലായത്. ലീനയെ അധിക്ഷേപിക്കുകയും ഭീഷണിപ്പെടു ത്തുകയും ചെയ്യുന്ന വീഡിയോ ഇവര് സമൂഹമാധ്യമങ്ങളിലൂടെ പ്രചരിപ്പിച്ചിരുന്നു.
