റിയാദ്: അര്ജന്റീനന് ഫുട്ബോള് ഇതിഹാസ താരം ലയണല് മെസി സൗദി അറേബ്യന് ക്ലബുമായി കരാറൊപ്പിട്ടെന്ന് റിപ്പോര്ട്ട്. അല്-ഹിലാല് എന്ന ക്ലബ്ബുമായാണ് മെസി കരാര് ഒപ്പിട്ടെന്നാണ് പുറത്ത് വരുന്നത്. അടുത്ത സീസണില് സൗദി ക്ലബില് കളിക്കുമെന്നും അദ്ദേഹവുമായി അടുത്ത വൃത്തങ്ങള് പറഞ്ഞു. വന് തുക നല്കിയാണ് മെസിയെ ക്ലബ്ബിലെത്തിച്ചതെന്നാണ് റിപ്പോര്ട്ടുകള്. സൗദി സന്ദര്ശനത്തിന് പിന്നാലെ മെസിയെ രണ്ടാഴ്ചത്തേക്ക് പിഎസ്ജി സസ്പന്ഡ് ചെയ്തിരുന്നു.
സൗദി സന്ദര്ശനത്തിനിടെയാണ് കരാറില് എത്തിയതെന്നാണ് റിപ്പോര്ട്ടുകള്. പോര്ച്ചുഗല് താരം ക്രിസ്റ്റിയാനോ റൊണാള്ഡോ അടുത്തിടെ സൗദി ക്ലബ്ബായ അല്നാസറുമായി കരാറില് ഒപ്പിട്ടിരുന്നു. ഇതിന് പിന്നാലെയാണ് മെസിയും സൗദി ലീഗിലേക്ക് എത്തുന്നത്.