ചെന്നൈ : തമിഴ്നാട്ടില് മദ്യവില വര്ധിച്ചു. 180 മിലി ലിറ്ററിന് 10 രൂപയും 375 മിലി കുപ്പി മദ്യത്തിന് 20 രൂപയുമാണ് വര്ധിപ്പിച്ചത്. ശനിയാഴ്ച ചേര്ന്ന മന്ത്രിസഭാ യോഗത്തിലാണ് ഇതുസംബന്ധിച്ച തീരുമാനമെടുത്തത്. തമിഴ്നാട് സ്റ്റേറ്റ് മാര്കറ്റിംഗ് കോര്പറേഷന് ലിമിറ്റഡ് (ടാസ്മാക്) എന്ന പേരില് സംസ്ഥാനത്തിന്റെ ബാനറിലാണ് തമിഴ്നാട്ടില് മദ്യം വില്ക്കുന്നത്. 2020 മെയ് മാസത്തിലാണ് തമിഴ്നാട്ടില് ഇതിനുമുമ്പ് മദ്യത്തിന് വില വര്ധിപ്പിച്ചത്. മെയ് ഏഴു മുതല് തമിഴ്നാട്ടില് മദ്യത്തിന്റെ വില പരമാവധി 20 രൂപ വരെ വര്ധിപ്പിച്ചു. കോവിഡ് -19 നെ തുടര്ന്നുള്ള ലോക്ഡൗണ് കാരണം 40 ദിവസത്തിലേറെയായി റീടെയില് ഔട്ലെറ്റുകള് ആദ്യമായി വ്യാപാരത്തിനായി തുറന്നു.
