കായംകുളം: ഓപറേഷൻ തണ്ടറിന്റെ ഭാഗമായി കായംകുളം എക്സൈസ് റേഞ്ച് സംഘം പുതുപ്പള്ളി-ഗോവിന്ദമുട്ടം ഭാഗങ്ങളിൽ നടത്തിയ പരിശോധനയിൽ അനധികൃതമായി മദ്യം വാഹനത്തിൽ സൂക്ഷിച്ച് വിറ്റയാളെ അറസ്റ്റ് ചെയ്തു. കാർത്തികപ്പള്ളി പുതുപ്പള്ളി ഗോവിന്ദമുട്ടം ഓണമ്പിള്ളിതറ വീട്ടിൽ സനിൽകുമാറാണ് (46) അറസ്റ്റിലായത്. രണ്ടാംപ്രതി ഗോവിന്ദം മുട്ടം സൂര്യനിവാസിൽ സിന്ധുവിനെതിരെ കേസെടുത്തു. 8.8 ലിറ്റർ ഇന്ത്യൻ നിർമിത വിദേശമദ്യം ഹോണ്ട ഡിയോ സ്കൂട്ടർ, 300 രൂപ എന്നിവ കസ്റ്റഡിയിലെടുത്തു. എക്സൈസ് ഇൻസ്പെക്ടർ ഇ. മുഹമ്മദ് മുസ്തഫ, അസി. എക്സൈസ് ഇൻസ്പെക്ടർ രാജേഷ്, പ്രിവന്റീവ് ഓഫിസർ പത്മകുമാർ, സി.ഇ.ഒമാരായ അഗസ്റ്റിൻ ജോസ്, ഇമ്മാനുവൽ ജോസഫ്, രാഹുൽ കൃഷ്ണൻ എന്നിവർ പരിശോധനയിൽ പങ്കെടുത്തു. പ്രതിയെ കോടതിയിൽ ഹാജരാക്കി റിമാൻഡ് ചെയ്തു.
പത്തനംതിട്ട മീഡിയ ആപ്പ് പ്ലേ സ്റ്റോറില് ലഭിക്കും
വരിസംഖ്യയും പരിമിതികളുമില്ലാത്ത വാർത്തകളുടെ ലോകത്തേക്ക് വായനക്കാര്ക്ക് സ്വാഗതം. ചുരുങ്ങിയകാലംകൊണ്ട് ഓണ്ലൈന് മാധ്യമരംഗത്ത് ശ്രദ്ധേയമായ പത്തനംതിട്ട മീഡിയയുടെ മൊബൈല് ആപ്പ് (Android) പ്ലേ സ്റ്റോറില് ലഭ്യമാണ്, തികച്ചും സൌജന്യമായി ഇത് ഡൌണ് ലോഡ് ചെയ്യാം. https://play.google.com/store/apps/details?id=com.pathanamthitta.media&pcampaignid=pcampaignidMKT-Other-global-all-co-prtnr-py-PartBadge-Mar2515-1
