പത്തനംതിട്ട : കെഎസ്എഫ്ഇയില് നിന്ന് വായ്പ ശരിയാക്കി നല്കാമെന്ന് വാഗ്ദാനം ചെയ്ത് പണം തട്ടിയ യുവാവ് പോലീസിന്റെ പിടിയില്. ഏഴംകുളം തേപ്പുപാറ തൊടുവക്കാട് മുരുപ്പേല് പുത്തന്വീട്ടില് ജോമോന് രാജന് (32) ആണ് പിടിയിലായത്. പിറവന്തൂര് ചാലിയക്കര മൂലമണ് ഷിബുകുമാറിനെയും സുഹൃത്ത് രാജേഷ്, രാജേഷിന്റെ സുഹൃത്തുക്കളായ ഷിജു, ബിനീഷ് ബാലന് എന്നിവര്ക്ക് കെഎസ്എഫ്ഇയില് നിന്നും അഞ്ചു ലക്ഷം വീതം ലോണ് ശരിയാക്കിക്കൊടുക്കാമെന്ന് പറഞ്ഞ് പ്രോസസിങ് ഫീസ് എന്നു പറഞ്ഞ് 60000 രൂപ തട്ടിയെടുക്കുകയായിരുന്നു.
ബാങ്ക് അക്കൗണ്ട് വഴി 28500 രൂപയും നേരിട്ട് 31500 രൂപയുമാണ് പ്രതി കൈപ്പറ്റിയത്. ഏറെ നാളായിട്ടും ലോണ് സംഘടിപ്പിച്ചു കൊടുക്കുകയോ പണം തിരിച്ചുകൊടുക്കുകയോ ചെയ്യാതെ മുങ്ങിയ പ്രതിയെ ഏഴംകുളത്തുനിന്നും പോലീസ് അറസ്റ്റ് ചെയ്തത്. അന്വേഷണസംഘത്തില് എസ് ഐ മാരായ ദില്ജേഷ്, റിക്സണ്, സി പി ഓമരായ രാജീവന്, പ്രൊഡ്ജി എന്നിവരാണ് ഉണ്ടായിരുന്നത്.
