ലഖ്നൗ : വായ്പ്പ വാങ്ങിയ പണം തിരികെ നല്കാത്തതിന്റെ പേരില് വയോധികന്റെ തലയറുത്ത് മൃതദേഹം വഴിയില് ഉപേക്ഷിച്ചു. ഉത്തര്പ്രദേശിലെ ബാഗ്പത്തിലാണ് 52 കാരന്റെ തലയില്ലാത്ത മൃതദേഹം കണ്ടെത്തിയത്. തുടര്ന്ന് നടത്തിയ അന്വേഷണത്തില് റിയാസത്ത് ഖാന് (35), ജാവേദ് (30) എന്നിവരെ ദില്ലി പോലീസ് അറസ്റ്റ് ചെയ്തു.
കൊല്ലപ്പെട്ട ഷെഹസാദ് എന്ന വയോധികന് പ്രതികളുടെ കയ്യില് നിന്നും വായ്പയെടുത്തിരുന്നു. അത് തിരിച്ചടയ്ക്കാന് കഴിയാത്തതിനാലാണ് കൊലപാതകം നടന്നതെന്നാണ് റിപ്പോര്ട്ട്. ദില്ലിയിലെ സീമാപുരി പോലീസ് സ്റ്റേഷനില് ജൂലായ് 13 ന് വയോധികന്റെ കുടുംബം പരാതി നല്കിയിരുന്നു. മൂന്ന് ദിവസത്തിന് ശേഷം ബാഗ്പത്തില് നിന്ന് ശിരഛേദം ചെയ്ത മൃതദേഹം കണ്ടെടുക്കുകയായിരുന്നു. പണം തിരികെ ചോദിച്ചപ്പോള് ഷെഹസാദ് തരാന് വിസമ്മതിക്കുകയും അപമാനിക്കുകയും ചെയ്തു. അതുകൊണ്ടാണ് കൊലപാതകം നടത്താന് തീരുമാനിച്ചതെന്ന് പ്രതികള് പോലീസിനോട് പറഞ്ഞു.