പത്തനംതിട്ട : നരേന്ദ്ര മോദിയുടെ ഭരണം രാജ്യം നേരിടുന്ന ഏറ്റവും വലിയ ദുരന്തമാണെന്ന് ജനതാദൾ (എസ്) ദേശീയ ജനറൽ സെക്രട്ടറി നീലലോഹിതദാസൻ നാടാർ അഭിപ്രായപ്പെട്ടു. സ്വാതന്ത്ര്യപ്രാപ്തിക്കു ശേഷം രാജ്യത്തെ കുത്തകൾക്ക് തീറെഴുതുന്ന, സാധാരണക്കാരെയും കർഷകരെയും ഇത്രകണ്ട് ദ്രോഹിക്കുന്ന ഭരണത്തിനെതിരെ രാജ്യമെമ്പാടും ഉയർന്നു വരുന്ന വൻ ജനകീയ പ്രക്ഷോഭങ്ങളുടെ ഭാഗമായി ജെ ടി യു സി (ജനത ട്രേഡ് യൂണിയൻ സെന്റർ) പത്തനംതിട്ട ജില്ലാ കമ്മറ്റിയുടെ നേതൃത്വത്തിൽ ഹെഡ് പോസ്റ്റഫീസിനു മുന്നിൽ നടത്തിയ നിൽപ്പു സമരം ഉദ്ഘാടനം ചെയ്തു കൊണ്ട് സംസാരിക്കുകയായിരുന്നു അദ്ദേഹം.
യോഗത്തിൽ ജയൻ അടൂർ അധ്യക്ഷത വഹിച്ചു. അഡ്വ.ജൂലി മാത്യൂസ്, ബിജി നെല്ലിക്കുന്ന്, വി.എം ഏബ്രഹാം, ടിറ്റി ജോൺസ് തുടങ്ങിയവർ സംസാരിച്ചു.
