തിരുവനന്തപുരം : തൃക്കാക്കര ഉപതിരഞ്ഞെടുപ്പിന്റെ ആവേശങ്ങള്ക്കിടെ സംസ്ഥാനത്തെ 42 തദ്ദേശ വാര്ഡുകളില് നാളെ ഉപതിരഞ്ഞെടുപ്പ് നടക്കും. കാസര്കോട്, വയനാട് ഒഴികെയുള്ള 12 ജില്ലകളിലെ തദ്ദേശ സ്ഥാപനങ്ങളിലാണ് ഉപതിരഞ്ഞെടുപ്പ് നടക്കുന്നത്. രണ്ട് കോര്പറേഷന്, എഴു മുനിസിപ്പാലിറ്റി, രണ്ട് ബ്ലോക്ക് പഞ്ചായത്ത്, 31 ഗ്രാമപഞ്ചായത്ത് വാര്ഡുകളിലായി 182 സ്ഥാനാര്ഥികളാണ് നാളെ ജനവിധി തേടുക. ഇതില് 79 പേര് സ്ത്രീകളാണ്. 36,940 പുരുഷന്മാരും 41,144 സ്ത്രീകളും ഉള്പ്പെടെ ആകെ 77,634 വോട്ടര്മാരാണ് ഉള്ളത്. രാവിലെ ഏഴ് മുതല് വൈകിട്ട് ആറ് മണി വരെയാണ് വോട്ടെടുപ്പ്. ബുധനാഴ്ച രാവിലെ 10ന് വോട്ടെണ്ണല് ആരംഭിക്കും. കോവിഡ് മാനദണ്ഡങ്ങള് പാലിച്ചാണ് വോട്ടെടുപ്പ്.
അതേസമയം, തൃക്കാക്കരയില് കനത്ത മഴയിലും തിരഞ്ഞെടുപ്പ് ചൂട് ഏറുകയാണ്. പ്രചാരണം അവസാനിക്കാന് ദിവസങ്ങള് മാത്രം ശേഷിക്കെ സ്ഥാനാര്ത്ഥികള് രണ്ടാംഘട്ട പ്രചാരണത്തിലേക്ക് കടന്നു. എല്ഡിഎഫ് സ്ഥാനാര്ഥി ജോ ജോസഫിന്റെ വാഹന പ്രചാരണം ഇന്ന് ആരംഭിക്കും. എല്ഡിഎഫ് കണ്വീനര് ഇ.പി ജയരാജനാണ് ഉദഘാടനം. ചിന്തന് ശിബിരം കഴിഞ്ഞ് കോണ്ഗ്രസ് നേതാക്കള് എത്തുന്നതോടെ കോണ്ഗ്രസ് ക്യാമ്പും ഉണരും.
