ശിവ​ഗിരിയിലെത്തി തൃക്കാക്കരയിലെ യുഡിഎഫ് സ്ഥാനാര്‍ത്ഥി ഉമ തോമസ്

വര്‍ക്കല : ശിവ​ഗിരിയിലെത്തി തൃക്കാക്കരയിലെ യുഡിഎഫ് സ്ഥാനാര്‍ത്ഥി ഉമ തോമസ്. മഹാസമാധിയില്‍ ദര്‍ശനവും പുഷ്പാര്‍ച്ചനയും നടത്തിയ ഉമ തോമസ് ധര്‍മ്മ സംഘം പ്രസിഡന്റ് സ്വാമി സച്ചിദാനന്ദയുമായി കൂടിക്കാഴ്ച്ച നടത്തി. ഉമ തോമസ് എത്തിയത് തെരഞ്ഞെടുപ്പില്‍ ശിവ​ഗിരി മഠത്തിന്റെ പിന്തുണ തേടാനാണ്. അവസാന ഘട്ടത്തിലേക്ക് തൃക്കാക്കരയില്‍ രണ്ടാം ഘട്ട പ്രചാരണം കടക്കുകയാണ്. ഇന്ന് സ്ഥാനാര്‍ത്ഥികളുടെ മണ്ഡല പര്യടനത്തിന് തുടക്കമാവും. പ്രതിപക്ഷ നേതാവിന്റെ പ്രചാരണം മന്ത്രിമാര്‍ മതവും ജാതിയും തിരിഞ്ഞ് നടത്തുന്നുവെന്ന ആരോപണങ്ങളെ ശക്തമായി നേരിടാനാണ് ഇടതുമുന്നണിയുടെ തീരുമാനം. ഇടതുമുന്നണി സര്‍ക്കാര്‍ സംവിധാനം ദുരുപയോഗം ചെയ്യുന്നവെന്ന് യുഡിഎഫ് ആരോപിക്കുന്നു. ഇന്നാണ് പത്രിക പിന്‍വലിക്കാനുള്ള അവസാന ദിവസം. സ്ഥാനാര്‍ത്ഥികള്‍ ഓരോരുത്തരെയും നേരില്‍ കണ്ട് വോട്ട് ഉറപ്പിക്കാനുള്ള ഓട്ടത്തിലാണ്.