തിരുവനന്തപുരം : തദ്ദേശ സ്വയംഭരണസ്ഥാപനങ്ങളിലേക്ക് നടക്കുന്ന തെരഞ്ഞെടുപ്പില് കണ്ണൂരിലെ കോണ്ഗ്രസില് തര്ക്കം രൂക്ഷം. കണ്ണൂരില് സ്ഥാനാര്ത്ഥികളെ മാറ്റിയത് അംഗീകരിക്കില്ലെന്ന് വ്യക്തമാക്കി കെ സുധാകരന് എം പി രംഗത്തെത്തി. ഡി സി സികളോട് ആലോചിക്കാതെയാണ് സ്ഥാനാര്ത്ഥികളെ മാറ്റിയത്. വ്യക്തിതാത്പര്യങ്ങള് സംരക്ഷിക്കുന്ന നിലപാട് ദു:ഖരമാണ്. മൂന്ന് കെ പി സി സി സ്ഥാനാര്ത്ഥികള്ക്കും കൈപ്പത്തി ചിഹ്നം നല്കില്ല. ഡി സി സി പ്രഖ്യാപിച്ചവര് തന്നെ പാര്ട്ടി ചിഹ്നത്തില് മത്സരിക്കുമെന്നും കെ സുധാകരന് പറഞ്ഞു.
ഡി സി സിയുമായി ചര്ച്ച ചെയ്യാതെയാണ് കെ പി സി സി തീരുമാനമുണ്ടായത്. ഡി സി സി കെ പി സി സിക്ക് പരാതി നല്കിയിരുന്നില്ല. സ്ഥാനാര്ത്ഥികളെ അംഗീകരിക്കാന് പ്രയാസമുണ്ടെന്ന് കെ പി സി സി പ്രസിഡന്റിനെ സ്നേഹപൂര്വം അറിയിച്ചിട്ടുണ്ട്. ഡി സി സിയോട് അന്വേഷിക്കാതെയാണ് തീരുമാനം എടുത്തതെന്ന് കെ പി സി സി സമ്മതിച്ചിട്ടുണ്ടെന്നും സുധാകരന് പറഞ്ഞു.
കണ്ണൂരില് മൂന്നിടത്ത് ഡി സി സിക്കും കെ പി സി സിക്കും വെവ്വേറ സ്ഥാനാര്ത്ഥികളാണ് രംഗത്തുളളത്. കഴിഞ്ഞ ദിവസം കോണ്ഗ്രസിലെ സ്ഥാനാര്ത്ഥി നിര്ണയത്തിന് എതിരെ മറ്റൊരു മുതിര്ന്ന നേതാവായ കെ മുരളീധരനും രംഗത്തെത്തിയിരുന്നു.
