പത്തനംതിട്ട : തദ്ദേശ പൊതു തിരഞ്ഞെടുപ്പിന്റെ ഭാഗമായി പത്തനംതിട്ട ജില്ലയിലെ വിവിധ വോട്ടെടുപ്പ് കേന്ദ്രങ്ങള് സന്ദര്ശിച്ച് ജില്ലാ കളക്ടര് എസ് പ്രേം കൃഷ്ണന്.
നരിയാപുരം സര്ക്കാര് എല് പി എസ്, തുമ്പമണ് എം ജി ഇ എം സ്കൂള്, മുണ്ടുകൊട്ടയ്ക്കല് എസ് എന് വി എസ് വി എം യുപി സ്കൂള് എന്നിവിടങ്ങളിലാണ് ജില്ലാ കലക്ടര് നേരിട്ടെത്തി വോട്ടിങ് പ്രക്രിയ സുഗമമായി നടക്കുന്നുണ്ടോയെന്ന് പരിശോധിച്ചത്. ബൂത്തിലെ അടിസ്ഥാന സൗകര്യങ്ങളും ക്രമീകരണവും കളക്ടര് വിലയിരുത്തി.
പത്തനംതിട്ട നഗരസഭയിലെ ശാരദാമഠം വാര്ഡിലെ എസ് എന് വി എസ് വി എം യുപി സ്കൂളിലെ ബൂത്തിലേക്ക് ജില്ലാ ഭരണകൂടം ഒരുക്കിയ പുതിയ വഴി ജില്ലാ കളക്ടർ പരിശോധിച്ചു. പടികള് കയറുവാന് ബുദ്ധിമുട്ടുള്ള വയോധികര്, ഭിന്നശേഷിക്കാര്, രോഗികള് ഉള്പ്പെടെയുള്ളവര്ക്കായാണ് ജില്ലാ ഭരണകൂടം പുതിയ വഴി ഒരുക്കിയത്. പന്തളം നഗരസഭയുടെ ഹരിത ബൂത്ത് പ്രവര്ത്തനവും ജില്ലാ കലക്ടര് വിലയിരുത്തി. ബൂത്തിലെത്തിയ വോട്ടര്മാരോട് ജില്ല കളക്ടര് സംവദിച്ചു.
