പത്തനംതിട്ട : പത്തനംതിട്ട വാഴമുട്ടത്ത് നാല് പേര്ക്ക് തെരുവ് നായയുടെ കടിയേറ്റു. രാവിലെ ഏഴുമണിയോടെയായിരുന്നു സംഭവം. മൂന്ന് പുരുഷന്മാര്ക്കും ഒരു സ്ത്രീക്കും ആണ് കടിയേറ്റത്. വീട്ടുമുറ്റത്ത് നിന്നിരുന്നവരെയും തെരുവ് നായ കടിച്ചു. വാഴമുട്ടം യു.പി സ്കൂളിന് സമീപത്തയാണ് സംഭവം നടന്നത്. തുടര്ന്ന് നാട്ടുകാര് നായയെ തല്ലിക്കൊല്ലുകയായിരുന്നു. ഉടന് തന്നെ പരിക്കേറ്റവരെ ആശുപത്രിയില് പ്രവേശിപ്പിക്കുകയും ചെയ്തു. നായയ്ക്ക് പേ വിഷബാധയുണ്ടോ എന്നും സംശയമുണ്ട്.
സ്കൂള് സമയമല്ലാത്തതിനാല് കുട്ടികള് കടിയേല്ക്കാതെ രക്ഷപെടുകയായിരുന്നു. തല്ലിക്കൊന്ന നായയുടെ സാമ്പിളുകള് ശേഖരിച്ച് തിരുവല്ലയിലെ മൃഗ സംരക്ഷണ വകുപ്പിന്റെ ലാബിലേക്ക് അയച്ചു. പ്രദേശത്ത് കാലങ്ങളായി തെരുവ് നായ ശല്യം രൂക്ഷമായിട്ടും ബന്ധപ്പെട്ട അധികാരികള് നടപടി സ്വീകരിക്കുന്നില്ല എന്നും ആക്ഷേപമുയരുന്നുണ്ട്. റോഡരുകില് വലിച്ചെറിയുന്ന മാലിന്യങ്ങളും തെരുവ് നായ ശല്യം രൂക്ഷമാക്കുന്നുണ്ട്.
