കോഴിക്കോട് : കൊയിലാണ്ടിയില് ലോട്ടറിക്കടയില് മോഷണം നടന്നു.ലോട്ടറി കട കുത്തിത്തുറന്ന് നടത്തിയ കവര്ച്ചയില് ഏഴ് ലക്ഷം രൂപ നഷ്ടമായി. സിസിടിവി ദൃശ്യങ്ങളുടെ അടിസ്ഥാനത്തില് പോലീസ് കേസെടുത്ത് അന്വേഷണം തുടങ്ങി. കൊയിലാണ്ടി മുത്താമ്പി റോഡിലെ അയ്യപ്പ ലോട്ടറീസിലാണ് കവര്ച്ച നടന്നത്. ഏഴ് ലക്ഷം രൂപയും ചെക്കുകളും കടയില് സൂക്ഷിച്ചിരുന്ന രേഖകളുമാണ് നഷ്ടമായത്. ഗ്യാസ് കട്ടര് ഉപയോഗിച്ച് പൂട്ട് പൊളിച്ചായിരുന്നു കവര്ച്ച നടത്തിയത്. ഇന്നലെ രാത്രി ഏഴ് മണിയോടെയാണ് കട അടച്ചത്. രാവിലെ ഒമ്പത് മണിയോടെ ജീവനക്കാര് കട തുറക്കാന് എത്തിയപ്പോഴാണ് മോഷണം നടന്നത് കണ്ടത്. കടയിലെ സിസിടിവിയില് മോഷ്ടാവിന്റെ ദൃശ്യങ്ങള് ഉണ്ടെങ്കിലും മുഖം മറച്ചിരുന്നതിനാല് ആളെ തിരിച്ചറിയാനായിട്ടില്ല. വിരലടയാള വിദഗ്ധരും ഡോഗ് സ്ക്വാഡും സ്ഥലത്തെത്തി പരിശോധന നടത്തി.
ലോട്ടറിക്കട കുത്തിത്തുറന്ന് ഏഴ് ലക്ഷം രൂപ കവര്ന്നു
RECENT NEWS
Advertisment