തിരുവനന്തപുരം : പാചക വാതക പ്രതിസന്ധി അടിയന്തരമായി പരിഹരിക്കണമെന്നാവശ്യപ്പെട്ട് സംസ്ഥാനത്താകെ പ്രതിഷേധം. എൽ.ഡി.എഫ് നേതൃത്വത്തിൽ നിയമസഭാ മണ്ഡലങ്ങളിൽ കേന്ദ്ര സർക്കാർ ഓഫീസുകൾക്ക് മുന്നിൽ പ്രതിഷേധം സംഘടിപ്പിച്ചു. ഡിവൈഎഫ്ഐ, ജനാധിപത്യ മഹിളാ അസോസിയേഷൻ, സിഐടിയു തുടങ്ങിയ സംഘടനകളുും പ്രതിഷേധ പരിപാടികൾ നടത്തി. വാണിജ്യാവശ്യങ്ങൾക്കുള്ള എൽ.പി.ജി സിലിണ്ടറുകളുടെ വിതരണം നിലച്ചതോടെ ഭൂരിഭാഗം സംസ്ഥാനങ്ങളിലും ഹോട്ടലുകളും റെസ്റ്റോറന്റുകളും അടച്ചുപൂട്ടി.
ഗാർഹിക ആവശ്യത്തിനുള്ള എൽ.പി.ജി സിലിണ്ടറുകൾക്കായും ജനങ്ങൾ പരക്കംപായുകയാണ്. ഇതോടെ വിതരണകേന്ദ്രങ്ങളും സമ്മർദത്തിലാണ്. ഇന്ത്യയുടെ 60 ശതമാനത്തിലേറെ പ്രകൃതിവാതകം ഹോർമുസ് കടലിടുക്കിലൂടെ എത്തുന്നതിനാല് പൈപ്പുവഴിയുള്ള പാചകവാതക വിതരണവും വൈകാതെ നിലയ്ക്കും.
