ന്യൂഡല്ഹി : ലുധിയാന കോടതിയിലെ ശുചിമുറിയില് കഴിഞ്ഞ 23 നു നടന്ന സ്ഫോടനവുമായി ബന്ധപ്പെട്ട അന്വേഷണം ജര്മനിയിലേക്ക്. ഖാലിസ്ഥാന് തീവ്രവാദി നേതാവ് ജസ്വീന്ദര് സിംഗ് മുള്ട്ടാനിയെ ചോദ്യം ചെയ്യാനാണ് എന്ഐഎ സംഘം ജര്മനിയിലേക്ക് പോകുന്നത്. സ്ഫോടനത്തിന്റെ മുഖ്യസൂത്രധാരന് മുള്ട്ടാനിയാണെന്ന് അന്വേഷണ സംഘം പറയുന്നു. നിലവില് ജര്മന് പോലീസിന്റെ നിരീക്ഷണത്തില് ആണ് മുള്ട്ടാനിയുള്ളത്.
ഇയാളെ ചോദ്യം ചെയ്യാനും തിരികെ ഇന്ത്യയിലേക്ക് കൊണ്ട് വരാനുമാണ് എന്ഐഎയുടെ നീക്കം. ലുധിയാന സെഷന്സ് കോടതിയിലുണ്ടായ സ്ഫോടനത്തില് സിക്ക് ഫോര് ജസ്റ്റിസ് എന്ന ഖാലിസ്താന് തീവ്രവാദ സംഘടനയ്ക്ക് പങ്കുള്ളതായി അന്വഷണ സംഘം കണ്ടെത്തിയിരുന്നു. ഇതിന് പിന്നാലെയാണ് സംഘടനയുടെ നേതാവായ മുള്ട്ടാനിയിലേക്ക് അന്വേഷണം വ്യാപിപ്പിക്കുന്നത്.
