ചെങ്ങന്നൂര് : മാന്നാറില് എം.ഡി.എം.എയുമായി രണ്ട് യുവാക്കള് പിടിയില്. മാവേലിക്കര നൂറനാട് മുതുകാട്ടുകര വിഷ്ണു വിലാസത്തില് വീട്ടില് വിഷ്ണു (22), നൂറനാട് മുതുകാട്ടുകര തറയില് വീട്ടില് അക്ഷയ്ശ്രീ (22) എന്നിവരെയാണ് പോലീസ് പിടികൂടിയത്. മാന്നാര് പോലീസ് ആണ് അറസ്റ്റ് ചെയ്തത്. ഇവരില് നിന്ന് ഒന്നര ഗ്രാം എം.ഡി.എം.എ പിടിച്ചെടുത്തു. സ്കൂള് വിദ്യാര്ത്ഥികള്ക്ക് വില്പന നടത്തുന്നതിനായി ബൈക്കില് വന്ന ഇവരെ കുരട്ടിക്കാട് ഭാഗത്തു നിന്നാണ് തിങ്കളാഴ്ച വൈകിട്ടാണ് കസ്റ്റഡിയില് എടുത്തത്. ഇവര് സഞ്ചരിച്ച ബൈക്കും കസ്റ്റഡിയിലെടുത്തു. ഇവരെ കോടതിയില് ഹാജരാക്കി.
