ബത്തേരി : വയനാട്ടില് പോക്സോ കേസില് മദ്രസ അദ്ധ്യാപകന് അറസ്റ്റില്. ചുള്ളിയാട് സ്വദേശിയായ നാസറിനെയാണ് അമ്പലവയല് പോലീസ് അറസ്റ്റ് ചെയ്തത്. ഇരയാക്കപ്പെട്ട കുട്ടിയുടെ പരാതിയെ തുടര്ന്ന് നടത്തിയ അന്വേഷണത്തിലാണ് നടപടി. കോടതിയില് ഹാജരാക്കി 14 ദിവസത്തേക്ക് റിമാന്ഡ് ചെയ്തു. സമാനസംഭവത്തില് മലപ്പുറത്തും അറസ്റ്റ് നടന്നിരുന്നു. ഇതിന് മുന്പ് പ്രായപൂര്ത്തിയാകാത്ത പെണ്കുട്ടികളെ പീഡിപ്പിച്ച കേസില് മലപ്പുറത്ത് മദ്രസ അദ്ധ്യാപകന് അറസ്റ്റിലായിരുന്നു.
ഒതുക്കുങ്ങല് സ്വദേശി മുഹമ്മദാണ് അറസ്റ്റിലായത്. പത്തില് താഴെമാത്രം പ്രായമുള്ള അഞ്ച് പെണ്കുട്ടികളെയാണ് ഇയാള് ഉപദ്രവിച്ചത്. പെണ്കുട്ടികളുടെ പരാതിയുടെ അടിസ്ഥാനത്തിലാണ് നടപടി. സംഭവത്തില് പെണ്കുട്ടികളില് ഒരാളുടെ രക്ഷിതാക്കള് മലപ്പുറം വനിതാ പോലീസില് പരാതി നല്കിയിരുന്നു. ഇതേ തുടര്ന്നാണ് പീഡന വിവരം പുറത്തുവന്നത്. പിന്നീട് നാല് കുട്ടികള് കൂടി പരാതി നല്കുകയായിരുന്നു.