കോട്ടയം : പാലാ ബിഷപ്പ് പണ്ഡിതനാണെന്നും അദ്ദേഹത്തെ എതിര്ക്കുന്നവര് ഭീകരവാദികള് ആണെന്നുമുള്ള മന്ത്രി വി.എന്. വാസവന്റെ പ്രസ്താവന സംയമനത്തോടുകൂടിയും സമചിത്തതയോടുകൂടിയും വിദ്വേഷ പ്രചാരണങ്ങളെ എതിര്ക്കുന്നവരെ അപമാനിക്കലാണെന്നും വിഷലിപ്ത പ്രചാരണങ്ങള് നടത്തുന്നവരെ ചേര്ത്തു നിര്ത്തി മുസ്ലിം സമൂഹത്തെ ഒറ്റപ്പെടുത്താനുള്ള ശ്രമമാണെന്നും കോട്ടയം താലൂക്ക് മഹല്ല് കോര്ഡിനേഷന് കമ്മിറ്റി അഭിപ്രായപ്പെട്ടു.
കേരളമെമ്പാടും സൗഹൃദത്തിനായി കാത്തിരിക്കുന്ന സാഹചര്യത്തില് ഇവിടെ ഒരു പ്രശ്നവും ഉണ്ടായിട്ടില്ലെന്നും സമവായ ശ്രമങ്ങളുടെ ആവശ്യമില്ലായെന്നും പറയുന്ന മന്ത്രി സാമുദായിക ധ്രുവീകരണത്തില് നിന്നും ലാഭംകൊയ്യാനാണ് ശ്രമിക്കുന്നത്. ചോര കുടിക്കുന്ന ചെന്നായേക്കാള് മോശമായ പ്രതികരണമാണ് മന്ത്രിയുടെ ഭാഗത്തുനിന്നുണ്ടായത്.
ചില ബി.ജെ.പി നേതാക്കള് അടക്കം പക്വമായ ഭാഷയില് പ്രതികരിക്കുകയും സൗഹൃദത്തിനായി ആഹ്വാനം നല്കുകയും ചെയ്യുമ്ബോള് ഇടതുപക്ഷത്തിന്റെയും സര്ക്കാറിന്റെയും ഭാഗത്തുനിന്നുണ്ടാകുന്ന ഇത്തരം ശ്രമങ്ങള് തികച്ചും ആസൂത്രിതമാണെന്നാണ് മനസ്സിലാക്കുന്നത്.
കാമ്ബസുകളില് മുസ്ലിം പെണ്കുട്ടികളെ ഭീകരവാദത്തിലേക്ക് റിക്രൂട്ട് ചെയ്യുന്ന ഏജന്സികള് ഉണ്ടെന്ന സി.പി.എം പ്രസ്താവനയും പാലാ ബിഷപ്പിനെ പിന്തുണച്ചുകൊണ്ടുള്ള സി.പി.എം നിലപാടും ബി.ജെ.പിയേക്കാള് അപകടകരമായ ഒരു രാഷ്ട്രീയമാണ് സി.പി.എം പയറ്റുന്നത് എന്നതിന്റെ ഏറ്റവും വലിയ തെളിവാണ്.
വിദ്വേഷപ്രചാരകര്ക്ക് മൂക്കുകയറിടാനുള്ള അടിയന്തര ശ്രമവും മാനവിക സൗഹാര്ദ ശ്രമവുമാണ് സര്ക്കാറിന്റെ ഭാഗത്തുനിന്ന് ഉണ്ടാകേണ്ടതെന്നും മഹല്ല് കോര്ഡിനേഷന് കമ്മിറ്റി അഭിപ്രായപ്പെട്ടു. എം.പി. ഷിഫാര് മൗലവി അല് കൗസരിയുടെ അധ്യക്ഷതയില് ചേര്ന്ന യോഗം ഇലുപാലം ഷംസുദ്ദീന് മന്നാനി ഉദ്ഘാടനം ചെയ്തു. ഹാഫിസ് ഷെഫീക്ക് അല് ജൗഹരി മുഖ്യപ്രഭാഷണം നടത്തി.
