കൊച്ചി: മഹാരാജാസ് കോളേജില് കാഴ്ച പരിമിതിയുള്ള അധ്യാപകനെ അപമാനിച്ച സംഭവത്തില് കോളേജ് അധികൃതര് സെന്ട്രല് പോലീസ് സ്റ്റേഷനില് പരാതി നല്കി. ഭിന്നശേഷിക്കാരുടെ അവകാശ സംരക്ഷണ നിയമ പ്രകാരം നടപടി സ്വീകരിക്കണം എന്നാണ് പരാതിയില് ആവശ്യപ്പെട്ടിട്ടുള്ളത്. പരാതി വിശദമായി പരിശോധിച്ച ശേഷം നടപടി സ്വീകരിക്കുമെന്ന് പോലീസ് അറിയിച്ചു.
അതേസമയം അധ്യപകനെ അപമാനിച്ച സംഭവത്തില് ആറ് വിദ്യാര്ത്ഥികളെ സസ്പെന്ഡ് ചെയ്തിരുന്നു. ഇതില് മഹാരാജാസ് കോളേജിലെ കെ എസ് യു യുണിറ്റ് വൈസ് പ്രസിഡന്റ് മുഹമ്മദ് ഫാസിലും ഉള്പ്പെട്ടിരുന്നു. പൊളിറ്റിക്കല് സയന്സ് അധ്യാപകനായ പ്രിയേഷിനെയാണ് വിദ്യാര്ത്ഥികള് അപമാനിച്ചത്. ക്ലാസ് നടക്കുമ്പാള് കളിച്ചും ചിരിച്ചും അനുവാദമില്ലാതെ ക്ലാസില് പ്രവേശിക്കുകയും ചെയ്യുന്നതിന്റെ വീഡിയോ പുറത്തുവന്നിരുന്നു.
