കൊച്ചി: മഹാരാജാസ് കോളജിന്റെ പേരില് വ്യാജ രേഖ ചമച്ച കേസിലും എസ്എഫ്ഐ സംസ്ഥാന സെക്രട്ടറിയുടെ വ്യാജ മാര്ക്ക് ലിസ്റ്റ് പ്രസിദ്ധീകരിച്ചതിലും പ്രതിഷേധം ശക്തമാക്കി കെ.എസ്.യു. ഇതിന്റെ ഭാഗമായി കോളേജിലേക്ക് കെ.എസ്.യു നടത്തിയ മാര്ച്ചില് സംഘര്ഷം. പ്രതിഷേധക്കാര്ക്ക് നേരെ പോലീസ് ജലപീരങ്കി പ്രയോഗിച്ചു.
പോലീസ് ബാരിക്കേഡ് ഉപയോഗിച്ച് പ്രതിഷേധക്കാരെ റോഡില് തന്നെ തടഞ്ഞു. പ്രതിഷേധക്കാര് ബാരിക്കേഡ് മറിച്ചിടാന് ശ്രമിക്കുകയും ചെയ്തു. പോലീസിന് നേരെ കല്ലേറുണ്ടായി. ഇതിനെത്തുടര്ന്ന് രണ്ടുവട്ടം പോലീസ് ജലപീരങ്കി പ്രയോഗിക്കുകയായിരുന്നു. തുടര്ന്ന് പ്രതിഷേധക്കാര് റോഡില് കുത്തിയിരുന്ന് പ്രതിഷേധിച്ചു. തുടര്ന്ന് പോലീസ് പ്രതിഷേധക്കാരെ അറസ്റ്റ് ചെയ്തു നീക്കി
