മുംബൈ : മഹാരാഷ്ട്രയില്‍ ഞായറാഴ്ച 2,347 പേര്‍ക്ക് കൂടി കൊവിഡ് സ്ഥിരീകരിച്ചതോടെ രോഗബാധിതരുടെ എണ്ണം 33,000 കടന്നു. സംസ്ഥാനത്ത് ഒറ്റദിവസം ഇത്രയേറെ പേരില്‍ ആദ്യമായാണ് വൈറസ് കണ്ടെത്തുന്നത്. പുതുതായി 63 പേര്‍ കൂടി മരണത്തിനു കീഴടങ്ങി. ഞായറാഴ്ച സംസ്ഥാനത്ത് 600 പേര്‍ രോഗം ഭേദമായി ആശുപത്രിവിട്ടു. ഇതുവരെ 7,688 പേര്‍ ആശുപത്രിവിട്ടതായി അധികൃതര്‍ അറിയിച്ചു. മുംബൈയില്‍ മാത്രം 1,595 പേര്‍ക്ക് രോഗം സ്ഥിരീകരിച്ചു. ഇതോടെ ഇവിടെ രോഗബാധിതരുടെ എണ്ണം 20,000 കടന്നു. 38 പേര്‍ കൂടി മരിച്ചതോടെ മുംബൈയിലെ മരണസംഖ്യ 734 ആയി. ധാരാവിയില്‍ 44 പേര്‍ക്കു കൂടി രോഗം സ്ഥിരീകരിച്ചതോടെ ഇവിടുത്തെ രോഗികളുടെ എണ്ണം 1,242 ആയി. ധാരാവിയില്‍ മൂന്നുപേര്‍ കൂടി മരിച്ചു. ഇതോടെ ധാരാവിയിലെ മരണസംഖ്യ 56 ആയി. സംസ്ഥാനത്ത് 66 പോലീസുകാര്‍ക്കു കൂടി രോഗം സ്ഥിരീകരിച്ചു. ഇതോടെ കൊവിഡ് ബാധിച്ച പോലീസുകാരുടെ എണ്ണം 1,206 ആയി.
