പാലക്കാട് : മലബാര് സിമന്റ്സ് എംഡി എം.മുഹമ്മദാലിയുടെ രാജി സര്ക്കാര് സ്വീകരിച്ചു. സിഐടിയുവുമായുള്ള തര്ക്കത്തെ തുടര്ന്ന് ഒന്നര മാസം മുന്പാണ് മുഹമ്മദാലി രാജികത്ത് നല്കിയത്. ട്രാവന്കൂര് കൊച്ചിന് കെമിക്കല്സ് എംഡി കെ. ഹരികുമാറിനാണ് മലബാര് സിമന്റ്സിലെ പകരം ചുമതല നല്കിയിരിക്കുന്നത്.
ശമ്പള പരിഷ്കരണ ശുപാര്ശ എംഡി തടഞ്ഞുവെച്ചു, സംഘടനാ സ്വാതന്ത്ര്യം അനുവദിക്കുന്നില്ല, തുടങ്ങിയ കാര്യങ്ങള് ചൂണ്ടിക്കാട്ടി ജനുവരി 29 ന് മുഹമ്മദാലിയെ സിഐടിയു ഉപരോധിച്ചിരുന്നു. പിന്നാലെയാണ് അദ്ദേഹം രാജിക്കത്ത് നല്കിയത്. എന്നാല് എംഡിയുടെ തൊഴിലാളി വിരുദ്ധ നിലപാടിനെ ചോദ്യം ചെയ്യുക മാത്രമാണ് ചെയ്തിട്ടുള്ളതെന്നും രാജി തീരുമാനത്തില് പങ്കില്ലെന്നുമാണ് സിഐടിയു നല്കുന്ന വിശദീകരണം.
