കൊല്ലം : ഓപ്പറേഷന് പി ഹണ്ടിലൂടെ കണ്ടെടുത്ത തൊണ്ടിമുതല് കോടതിയിലെത്തിക്കും മുന്പ് നശിപ്പിച്ച സംഭവത്തില് എസ്.ഐ പിടിയില്. കൊല്ലം പരവൂര് സ്റ്റേഷനിലെ ഗ്രേഡ് എസ്.ഐ ഷൂജയെയാണ് ക്രൈംബ്രാഞ്ച് അറസ്റ്റ് ചെയ്തത്. തൊണ്ടിമുതലായ മൊബൈല് ഫോണ് കേസ് കോടതിയിലെത്തും മുന്പ് ഷൂജ എടുത്തുമാറ്റി നശിപ്പിച്ചിരുന്നു. അന്വേഷണത്തില് ബന്ധുവിനെ സഹായിക്കാന് എസ്.ഐ തെളിവ് നശിപ്പിച്ചതായി കണ്ടെത്തിയ ക്രൈംബ്രാഞ്ച് അറസ്റ്റ് ചെയ്യുകയായിരുന്നു.
