മലപ്പുറം : പെരിന്തല്മണ്ണ കീഴാറ്റൂര് പഞ്ചായത്തിലെ കൊവിഡ് ബാധിതന്റെ ബന്ധുക്കളുള്പ്പെടെ 15 പേരുടെ പരിശോധന ഫലം നെഗറ്റീവ് ആണെന്ന് മലപ്പുറം ഡി.എം.ഒ ഡോ. കെ. സക്കീന പറഞ്ഞു. 85 കാരനായ രോഗബാധിതനുമായി അടുത്ത് ഇടപഴകിയ വീട്ടുകാര് ഉള്പ്പെടെയുള്ളവരുടെ ഫലമാണ് നെഗറ്റീവ് ആയിട്ടുള്ളത്. സമൂഹ വ്യാപനത്തിന്റെ ആശങ്കകള് നിലനില്ക്കുന്ന പഞ്ചായത്തില് ആദ്യഘട്ട പരിശോധന ഫലങ്ങളാണ് പുറത്തു വന്നത്. മുന്കരുതലിന്റെ ഭാഗമായി ഇവര് കീഴാറ്റൂരില് സജ്ജമാക്കിയിട്ടുള്ള കൊവിഡ് കെയര് സന്റെറില് തുടരണം. 67 പേരുടെ സാമ്പളുകളാണ് പരിശോധനക്ക് അയച്ചിരിക്കുന്നത്. അതില് 15 പേരുടെ ഫലമാണ് പുറത്ത് വന്നത്. അതേസമയം രോഗിയുടെ മകന്റെ ഫലം പുറത്ത് വന്നിട്ടില്ല.
