മലപ്പുറം: മലപ്പുറം എടവണ്ണയില് യുവാവിനെ ദുരൂഹ സാഹചര്യത്തില് മരിച്ച നിലയില് കണ്ടെത്തിയ സംഭവം കൊലപാതകമാണെന്ന സംശയം ബലപ്പെട്ടു. യുവാവിന്റെ ശരീരത്തില് മൂന്നിടത്ത് വെടിയേറ്റ പാടുകള് കണ്ടെത്തി. നെഞ്ചിലടക്കം മൂന്നിടത്താണ് വെടിയേറ്റത്. തലക്ക് പിന്നില് അടിയേറ്റുണ്ടായ പരിക്കും കണ്ടെത്തി. എടവണ്ണ സ്വദേശി റിദാന് ബാസിത്തിനെയാണ് ചെമ്പക്കുത്ത് മലയുടെ മുകളില് മരിച്ച നിലയില് കണ്ടെത്തിയത്. ശനിയാഴ്ച രാവിലെയാണ് റിദാന് ബാസിത്തിനെ മരിച്ച നിലയില് കണ്ടെത്തിയത്.
എടവണ്ണ ചെമ്പകുത്ത് മലയിലെ ആളൊഴിഞ്ഞ സ്ഥലത്താണ് ഇന്ന് രാവിലെ മൃതദേഹം കണ്ടെത്തിയത്. സംഭവവുമായി ബന്ധപ്പെട്ട് ലഹരി മരുന്ന് സംഘങ്ങള് കേന്ദ്രീകരിച്ചാണ് പോലീസ് അന്വേഷണം പുരോഗമിക്കുന്നത്. വെള്ളിയാഴ്ച രാത്രിയായിരുന്നു റിദാന് ബാസിത്തിനെ കാണാതായത്. തുടര്ന്ന് ബന്ധുക്കള് നടത്തിയ തിരച്ചിലിനൊടുവില് യുവാവിനെ ചെമ്പക്കുത്ത് മലമുകളില് മരിച്ച നിലയില് കണ്ടെത്തിയത്. ഇതിന് മുന്പ് ഒരു കേസില് പ്രതിയായിരുന്നു ബാസില് എന്നാണ് പോലീസ് നല്കുന്ന വിവരം.
