കൊല്ക്കത്ത: കൂട്ടബലാത്സംഗത്തിനിരയായ 15കാരിയുടെ മൃതദേഹം പോലീസ് വലിച്ചിഴച്ചു. പശ്ചിമബംഗാളിലെ ഉത്തര് ദിനജ്പൂരിലാണ് സംഭവം. കൂട്ട ബലാല്സംഗത്തിനിരയാക്കി കൊലപ്പെടുത്തിയ പ്രായപൂര്ത്തിയാകാത്ത പെണ്കുട്ടിയുടെ മൃതദേഹം പോലീസ് വലിച്ചിഴച്ചു കൊണ്ടുപോയതായാണ് പരാതി. പോലീസ് ഉദ്യോഗസ്ഥര് മൃതദേഹം വലിച്ചിഴച്ചു കൊണ്ടുപോകുന്ന ദൃശ്യങ്ങള് സാമൂഹ്യ മാധ്യമങ്ങളില് പ്രചരിക്കുകയാണ്.
വ്യാഴാഴ്ചയാണ് പെണ്കുട്ടിയുടെ മൃതദേഹം കണ്ടെത്തിയത്. സംഭവത്തില് പ്രദേശത്ത് പ്രതിഷേധം ശക്തമാണ്. നാട്ടുകാര് റോഡ് ഉപരോധിച്ചു. പ്രതിഷേധം അക്രമാസക്തമായതോടെ പോലീസ് ലാത്തിവീശി. പെണ്കുട്ടിയുടെ മരണവുമായി ബന്ധപ്പെട്ട് ഒരാളെ പോലീസ് അറസ്റ്റ് ചെയ്തിട്ടുണ്ട്.
